Temos dereito As nosas voces.

Ola de novo,

esto ainda non rematou! aínda nos queda escoitar ás nenas e aos nenos autores e autoras deste fantástico libro. Nesta entrada deixamos un video no que poidedes escoitar as vosas voces narrando o contido do voso traballo.

                   

BROCHE FINAL DO PROXECTO. Libro "Temos dereito" e visita ao parlamento para a súa entrega

Desta volta rematamos o proxecto cun broche final de luxo. Editamos entre tod@s, TOD@S!!, un fermoso libro denuncia sobre o non cumplimento de tres dereitos fundamentais: o dereito á vivenda, o dereito ao traballo e o dereito ao asilo.
Unha profunda reflexión baseada na búsqueda de artigos en prensa que confirman que queda moito por facer. Podedes ver o libro aquí, e deixámolo tamén en formato vídeo

E nesa búsqueda de mellora social, visitamos o Parlamento de Galicia para informar e esixir, a quen pode,  accións de mellora nese sentido.

Deixámosvos dous videos, un sobre a saída en xeral, e outro só do acto de entrega do libro a@s parlamentarios no salón de plenos do Parlamento.

Agardamos que vos gusten tanto como a nós nos gustou levar a cabo este traballo
💜💛💙💚

Resposta Reto 3

Ola a todas!!!
xa temos as respostas! Démonos conta que si cada persoa ten os seus

valores necesitamos outras normas para cando hai máis xente convivindo.
Por exemplo as normas que temos na clase: temos que acercarnos á persoa
coa que queremos falar para falar baixiño, ou que temos que ir camiñando
dun sitio a outro.... Despois fomo a preguntarlle a Fran o director que
normas había para todo o cole e falounos do NOFC e veu un día a nosa
clase a explicarnos quen as redactaba, onde se aprobaban, a quen
afectaba o que alí se recollía...

Por extensión falamos das normas que tiñan as persoas que vivían en galicia
e atopamos  o Estatuto de Autonomía, e as que tiñan en España que era a
Constitución. 

A profe preguntounos porque creíamos que fora necesario escribir  a
Constitución e Noé dixo que fora porque houbera unha guerra. Así que
investigamos que guerra fora e preguntamos nas casas se os nosos avós e
avoas viviran esa època. deixámosvos a información e un video que
gravou Xan ao seu avó. Temos moitas gañas de vervos!!

              



                      

RESPOSTA AO RETO 3

Ola!! aquí estamos de novo.

Estivemos investigando sobre a relación da ética e a política e o certo é que chegamos a unha conclusión bastante parecida ao que nos explicades. Despois comezamos a investigar sobre os sitios nos que atopabamos normas. Os primeiros que nos viñeron á cabeza foron a nosa aula, a piscina, o polideportivo, a biblio do cole... E falando de cole, baixamos a dirección a preguntarlle a Marcos se existen unhas normas de cole. Falounos do NOFC (normas de organización e funcionamento do centro) e díxonos que están aí para que nos respetemos uns aos outros e nos sintamos máis seguros.

Despois ampliando o ámbito buscamos na rede se habería unhas normas de Galicia e de España e demos co Estatuto de Autonomía de Galicia e coa Constitución Española. Xa os temos na clase e xa comezamos a ler algunhas cousas.

Despois, pensando porque foi necesario establecer eses códigos, chegamos á guerra civil española e á dictadura franquista. Preguntámoslle aos nos@s maiores por como era a vida nesa época, avoas, avós e veciñ@s, e esto foi o que nos contaron.

Un traballo moi interesante co que fomos moito máis conscientes da nosa historia. Que vidas tan diferentes vivimos ás das nosas avoas e avós.

Un biquiño moi grande!

PRESENTACIÓN DE IMAXES E DATOS CÓDIGOS POLÍTICOS

Ola,
deixamos un enlace a unha presentación con datos e  imaxes dos normas políticas que estamos traballando. A ver se vos interesa!!!
Bicos

RETO 3 RELACIÓN ENTRE ÉTICA E POLÍTICA

RETO 3

A RELACIÓN ENTRE A ÉTICA E A POLÍTICA

Olas!!!!!
como andades amigos e amigas?
Nós moi ben!!! Gustouvos o vídeo de Pippi?

Estamos liados cun reto que nos puxo o noso profesor Pepe. Con esto chegamos ao final do traballo deste ano.
Coma sempre solicitamos a vosa axuda xa que se o facemos en equipo o tarballo será moito mellor e o noso blogue será máis divertido.
Ollade este vídeo onde explicamos o que temos que facer
Grazas
Ata logo!!!

EMOCIONARIO VISIONADO DOS TRABALLOS

Ola, sempre nós deixades impresionadas cos vosos traballos
Hose presentamos o blogue a toda a nosa clase e a outras profesoras e están encantadas con todas e todos vós
Seguide así
Sodes xeniais!!!!
Bks
Se queredes ollade un pouco o vídeo

SOLUCIÓN RETO 2

SOLUCIÓN RETO 2
Ola!
deixamos este vídeo para que comprobedes o difícil que foi para nós traballar o tema do valor dos valores. Aprendimos a necesidade de buscar argumentos para defender os valores considerados mellores.
O que si nós quedou claro é que na filosofía sempre debateron entre os relativistas e os universalistas e non é doado decidirse por unha ou outra posición.
Aprendimos que Sócates era un gran Filósofo e un defensor da xustiza e que foi acudado inxustamente e obrigado a beber un veleno.
Moitos beixos e a seguir filosofando entre todas e todos

  Antes de pasar ao reto tres imos debater esta semana sobre o valor da desobediencia. Queremos preguntarvos se algunha vez fostes desobedientes. Credes que ás veces é mellor desobedecer que obedecer?
Na época do noso profesor (é un pouco vello, jeje) había unha serie de televisión dunha nena moi desobediente e moi valente. Para ser desobediente hai que ser valente!!!
Se vos apetece ollade este vídeo

Debatimos

 Collémoslle gusto a esto de debatir. Ao inicio tivemos que acordar unhas normas para poder entendernos pero unha vez que aprendimos a pedir a palabra e esperar o turno a cousa foi moito mellor.
Deixámosvos unha mostra  da conversa que tivemos sobre a pena de morte e sobre o touro da Vega.            

                    

Sócrates Reto 2

Ola de novo!
Aquí tedes o resultado da nosa investigación sobre a morte de Sócrates. Chamounos moito a atención saber que a cicuta é unha pranta que podemos atopar nos xardíns.

RESPOSTA AO RETO 2

Pois aquí estamos de novo. Desta vez agotad@s, eh! Canto tivemos que buscar, visionar, PENSAR!!
Ao principio atopabamonos un pouco perdid@s, pero cremos que agora estamos na pista.

Deixámosvos varias cousas como resposta a este reto:

1. DEBATE. HAI UNS VALORES MELLORES QUE OUTROS? Comezamos por facer un listado de valores "bos" ou "mellores" e outro de "malos" ou "peores", como fixeron @s peques de infantil, porque nos pareceu unha idea fantástica. Despois reflexionamos sobre porque ubicaramos cada valor na columna elexida. Este foi o proceso e as nosas conclusións. Tamén estivemos reflexionando sobre a lista de infantil e hai algunhas cousas que nos chocaron, deixámosvos unhas preguntas ;)

2. Nunha segunda parte investigamos sobre SÓCRATES, e cos datos obtidos da investigación fixemos esta presentación:

Presentación vida Sócrates 

Traballamos nunha liña do tempo cando vivíu Sócrates e en que momento estamos nós, e como a pesar da diferencia de tempo seguimos a debater sobre o mesmo!

Deixámosvos tamén un vídeo que atopamos sobre SÓCRATES na rede,

e dous máis sobre o UNIVERSALISMO ÉTICO OU MORAL

e o RELATIVISMO ÉTICO OU MORAL

E "nada máis", ata aquí o noso traballo, cousas que nos atopamos, visionamos e nos pareceron interesantes de compartir! Tamén queremos darvos as gracias, porque canto aprendemos co traballo que facemos con vós!!
Un abrazo moi agarimoso!

Avanzamos pouco a pouco

Ola de novo! Queremos contarvos que as nenas e nenos de Noia empezamos a traballar no reto 2 coa tarefa que nos propoñíades desde Muros. Fixemos dous listados, un cos valores que consideramos bos e outros cos valores que nos parecen malos.

Estamos moi felices despois de comprobar como coincidimos coas amigas e amigos de Santa Comba na resposta do primeiro reto. Ter traballado nese reto facilitounos moito o inicio do traballo nesta nova proposta. Seguimos investigando!!!!!

RETO 2 O DEBATE SOBRE O RELATIVISMO E O UNIVERSALISMO ÉTICO

RETO 2

Ola,
Aquí deixamos outra viaxe polo camiño da curiosidade. Xa sabedes que sen curiosidade non hai Filosofía e sen Filosofía non hai ciencia. A filosofía é o que facedes vós: ter curiosidade e buscar unha solución racional aos retos ou problemas.
Pois agora sí que temos nós unha liada con esto dos valores. Non sabemos se todos son iguais ou hai uns melllores que outros.
Que pensades vós? Primeiro escribide valores ou accións boas  e outros non tan boas e pensade porqué facedes esa clasificación

Por exemplo:
Paz/Guerra
Respectar/Insultar
Liberdade/Escravitude
Igualdade/Desigualdade

Beixossss

Visionando os vídeos do reto 1 dende Santa Comba

Que emoción vervos sempre, e nesta ocasión incrementada pola sensación de que temos sentimentos moi parecidos con respecto ás nosas cousas valiosas. Todas son obxectos, pero todas están vinculadas a algo maior, unha persoa, un feito importante nas nosas vidas. Foi moi fermoso ver como nos explicabades ese vínculo ❤❤❤

Deixámosvos un vídeo no que podedes ver as nosas caras de atención e alegría

Seguimos con moita enerxía!! 

RETO 1 O CONCEPTO DE ÉTICA E OS VALORES

Ola
Que ben o pasamos e canto aprendemos con vós.
Agora deixamos aquí a nosa reflexión sobre o valioso e o que coñecimos sobre os valores e o concepto de ética.
Aprendimos que a ética é imprescindible para poder ser felices xa que da reflexión ética saen a igualdade, a tolerancia, o respecto, a liberdade...

Moitos beixos

Reto 1 O VALIOSO

Ola a todas!!! Canto tempo sen noticias! A verdade é que durante este tempo tivemos moito traballo. Empezamos traendo os obxectos que para nós eran especiais para poder entender "o valioso". Despois fomos quen de empezar a indagar sobre a palabra valores e esto foinos un pouco máis complicado. Aquí vos deixamoso noso traballo. Esperamos a vosa axuda para saber se resolvimos ben o reto. Apertas mil para todas!

Valoramos o valioso e falamos de valores éticos dende Traba

Boas!! Con moito retraso pero con moitísimas ganas, por fin estamos de volta. Non nos olvidamos do reto aínda que poida parecer o contrario!!

Deixámosvos dous videos. Un no que falamos de algúns obxectos que son valiosos para nós, pero que a pesar de ser obxectos gardan o seu valor nos recordos e nos sentimentos que nos provocan.
O outro vídeo é o resultado da investigación sobre o significado de "VALORES ÉTICOS".

AGARDAMOS QUE OS DISFRUTEDES!!